المدفونة........؟؟؟؟؟؟؟؟؟؟؟؟ !!!!!!

المقادير:

عجينة الخبز العادية مدلوكة مزيان وخفيفة
نص كيلو لحم غنمي او بكري يكون هبرة مقطع طريفات صغار
شحمة مقطعة طريفا صغار بزاف ويلا بغيتو حكوها
3 ملاعق كبار قزبور
العطرية : ملح، بزار،زعفران،تحميرة،سكنجبير،كامون
ملعقة كبيرة زيت
بيض مسلوق ولوز مقلي


نعجن العجينة ونقسموها على حساب المدفونات ليبغيتو أنا درت 2 نخليو العجينة ترتاح ونشرمل اللحم المقطع بالعطرية+3 ملاعق كبار قزبور +شحمة+ملعقة كبيرة زيت


نبداو نقرص العجينة ونوزع عليها خليط اللحم مزيان


ممكن تفرشو من فوق اللحم اللوز واليض مقطع اختياري تم نغطيوها بعجينة ثانية ونجمع جناب


منقرصوهاش نخليوها وندهنو الطاوة ليغدخلو الفران بزيت ونحطو العجينة فيها نديرو جهة ليمجموع فيها جناب لتحت ثم نقرصوها ونحاولو وحنا كنقرص اللحم يبقا موزع انا نسيت مقلبتش الوجه لتحت نتوما قلبوه

ثم حطوها في الفران سخون فحال ليغطيبو الخبز بلا متخمر


مين تخرجوها غطيوها مزيان بزيف لخبز باش متقصاحش واحد 15 mn ثم قدموها مع كويس دتاي مشحر

وهو حق أول وحدا تشوف موضوعي